Umgengni á lóðum og númerslausir bílar á borgarlandi

Teikning af bílhræi og gróðri.

Umhverfiseftirlit fær tilkynningar um slæma umgengni á lóðum og númerslausa bíla á borgarlandi.

Verklag fyrir númerslausa bíla

Áhersla er á að fjarlægja bíla, bílflök, kerrur og sambærilegt við eftirfarandi aðstæður:

  • Númerslausir bílar á borgarlandi 
  • Af bílnum er mengunarhætta (t.d. olía eða önnur mengun)
  • Af bílnum er slysahætta (t.d. brotnar rúður eða undirstöður veikar)

Bílar eru að öllu jöfnu ekki fjarlægðir ef:

  • Bíll er á einkalóð, þar með talið fyrirtækjalóð. 
  • Bíll er á fjöleignarhúsalóð. 

Þetta gildir svo lengi sem ekki stafar af þeim mengunar- og/eða slysahætta. 

Vakin er athygli á því að í lögum um fjöleignarhús nr. 26/1994 (III kafli) er heimild til húsfélaga að setja húsreglur, sem m.a. taka til afnota og umgengi um sameignir, þ.m.t. á bílastæði. Í lögunum er einnig getið um úrræði til að bregðast við ef reglurnar eru brotnar.

Slæm umgengni á lóðum

  • Umhverfiseftirlit sinnir kvörtunum um rusl og slæma umgengni á einkalóðum. 
  • Lóðarhafar bera ábyrgð á sinni lóð, halda henni hreinni og snyrtilegri þannig að ekki valdi öðrum ónæði. 
  • Tilkynningar um rusl og slæma umgengni á borgarlandi skal beina að viðeigandi hverfastöð.

Heilbrigðiseftirlit Reykjavíkur

  • Borgartún 12, 105 Reykjavík
  • Þjónustuver 411 1111