Gæði og eftirlit
Dagforeldrar starfa sjálfstætt en Reykjavíkurborg sinnir eftirliti með daggæslu og fer í þrjár óboðaðar eftirlitsheimsóknir árlega á hvern starfsstað.
Viðmið um gæðastarf
Til eru viðmið um gæðastarf í daggæslu unnin út frá reglugerð um daggæslu í heimahúsum. Þau eru ætluð bæði fyrir foreldra og dagforeldra. Dagforeldrar geta nýtt sér þau til að skipuleggja starfið eða meta hvar þeirra daggæsla stendur.
Forsjáraðilar geta nýtt sér viðmiðin til að skilja betur hver markmið með daggæslu í heimahúsum eru og hvaða atriði er mikilvægt að hafa í huga þegar leitað er að dagforeldri.
